പ്രകൃതിയുടെ വികൃതി

പരിണാമമോ സൃഷ്ടിപ്പോ എന്തും വിളിച്ചോളൂ

ജോലിക്കിടയിൽ കാണാനിടയായ ഒരു ജീവി!!

ഒരുപാട് കഷ്‌ടപ്പെടുത്തി ഈ ജീവിയെ ഒന്ന് ക്യാമറ കണ്ണിൽ ഒപ്പിയെടുക്കാൻ .

ശത്രുക്കളിൽ നിന്ന് രക്ഷ നേടാൻ പ്രത്യേക രൂപത്തിൽ, പച്ച ഇലകൾക്കിടയിൽ ഇരുന്നാൽ കണ്ടെത്താൻ കഴിയാതെ വരും ഇവനെ .

വിശ്വാസികൾ ഇത്തരം പ്രതിഭാസത്തിനെ സൃഷ്ടിപ്പിൻ്റെ അപാര കഴിവ് എന്ന് വിളിക്കുമ്പോൾ,

യുക്തി വാദികൾ പരിണാമത്തിൻ്റെ വഴികളിൽ സ്വാഭാവികമായി  കൈവന്നത് എന്ന് വിശേഷിപ്പിക്കും.

Camera: Samsung J7

ജാലകം

ജാലകം 

മെനെഞ്ഞുണ്ടാക്കിയതല്ല 

ഓര്മിച്ചെടുത്തതുമല്ല 

ഓർമ്മിച്ചെടുക്കാൻ മാത്രം മറവിയുടെ അഭ്രപാളികളിൽ പൊടി പിടിച്ചിട്ടില്ല.

കാഴ്ച്ചകളിലേക്ക് മലർക്കേ തുറന്നും

കാഴ്ചകളിൽ നിന്ന് കൊട്ടിയടച്ചതും

എൻ്റെ കണ്ണുകളെ ആയിരുന്നില്ല

ജാലകങ്ങളുടേതായിരുന്നു.......

ചലിക്കുന്ന ചിത്രം ചലച്ചിത്രം

ഓരോ ചലച്ചിത്രങ്ങളും ഓരോരോ പ്രലോഭനങ്ങളാണ് 

നുണകളാണെന്ന് വിശ്വസിക്കാൻ ഇഷ്ടപ്പെടാത്ത 

പടച്ചുണ്ടാകുന്ന പച്ചയായ ജീവിതങ്ങൾ..... 

ഇത്തരം കബളിപ്പിക്കലുകളാണ് എല്ലാം 

മണിക്കൂറുകൾ കൊണ്ട് 

അല്ലെങ്കിൽ മിനിട്ടുകൾ 

ജീവിച്ച് തീർക്കുന്ന ജീവിതങ്ങൾ...... 

കെട്ടിയുണ്ടാക്കിയ,വലിച്ച് പിടിച്ച വലിയ മറകളിൽ ജീവിതങ്ങൾ കാണുമ്പോൾ 

ഒന്നിരിക്കെ ഭേദമായിരിക്കാം

അല്ലെങ്കിൽ

ഇപ്പുറം കഠിനമായിരിക്കാം .......

മറ്റൊരാൾ ഞാനാണെന്ന് തോന്നുന്ന മായാജാലം

ഞാൻ അവനാണ് 

അവൻ ഞാനും........

അതിങ്ങെനെ 

ഏറിയും കുറഞ്ഞും

മറഞ്ഞും തെളിഞ്ഞും

ഒഴുകി കൊണ്ടേയിരിക്കും

പ്രലോഭനങ്ങളും ആവശ്യപ്പെടലുകളും 

ഭീഷണിപ്പെടുത്തലുകളും 

നിമിഷങ്ങളായിരിക്കാം....

ദിവസങ്ങളായിരിക്കാം......

ജീവിതം തന്നെയായിരിക്കാം....

എന്റെ പത്ത് ഹൈക്കു കവിതകൾ

1.ബന്ധങ്ങൾ 

 ബന്ധങ്ങളെ നിങ്ങൾ എന്റെ കണ്ണിലൂടെ നോക്കിയിരുന്നെങ്കിൽ എന്ന് "ഭൂതക്കണ്ണാടി" 

2.വോട്ടുപെട്ടി

 പെട്ടിക്കുള്ളിൽ 

ജാതീയതയും 

വർഗീയതയും 

മതേതരത്വവും 

കെട്ടിപ്പിടിച്ച് സുഖമായുറങ്ങുന്നു. 

3. വേരുകൾ

ചിലപ്പോഴൊക്കെ അങ്ങനെയാണ് 

അറുത്തു മാറ്റാൻ കഴിയാതെ ആഴങ്ങളിലേക്ക്... 

അനന്തതയിലേക്ക്... 

4. നടനം

 അണിയറയിൽ ഒന്ന് 

അരങ്ങത്തു മറ്റൊന്ന്

5. കീ ഹോൾ

എല്ലാവരെയും ഉൾക്കൊള്ളാനുള്ള ഹൃദയവിശാലതയൊന്നും തനിക്കില്ലെന്ന് കീഹോൾ

6. കൈക്കൂലി

ചുരുട്ടിയതെത്രയുണ്ടോ 

അത്രയും വേഗത്തിൽ

7. ഗൂഗിൾ

 തെരഞ്ഞു മടുത്തെന്ന് ഗൂഗിൾ

8. നീതി ദേവത

 നീതിതേടി അലയുന്നുണ്ട് കാഴ്ച ഉണ്ടായിട്ടും അന്ധയായി പോയ നീതിദേവത

9. സൂഫിസം

 കറങ്ങി തീർത്തതത്രയും 

പ്രണയ വലയങ്ങൾ ആയിരുന്നു

10. നങ്കൂരം

 ആഴങ്ങളിൽ പഠിക്കുമ്പോഴാണെന്റെ സ്വർഗ്ഗം